Uitdrukking:
Die kruks van die saak
Betekenis:
Die kern van die saak
Waar kom dit vandaan?
Die Engelse crux beteken “kruis”. Daar is twee moontlike herkomste: die eerste is dat dit verwys na die kruis as marteltoestel, en vandaar dat dit dikwels ‘n marteling vir die verstand is om tot die kern van ‘n saak te kom. Die ander moontlikheid is dat dit die kruis is wat gevorm word wanneer twee argumente lynreg oor mekaar lê, sodat dit ‘n figuurlike kruis of knooppunt vorm waarvan die ontknoping ‘n probleem veroorsaak.