WAT Woord van die Week: skamper

Simon Cowell, realiteitstelevisiebeoordelaar, is bekend vir sy skamper gesigsuitdrukkings Foto: Skermskoot uit American Idol (apwikiwarriors.wikispaces.com)

Simon Cowell, realiteitstelevisiebeoordelaar, is bekend vir sy skamper gesigsuitdrukkings Foto: Skermskoot uit American Idol (apwikiwarriors.wikispaces.com)

Woord:
skamper (byvoeglike naamwoord) skampere of onveranderd skamper; skamperder, skamperste.

Betekenis:
Bitter, geringskattend, minagtend of spottend: ‘n Skamper blik, laggie, verwysing.
Blymoedige mense is van nature nie skamper nie. ≈ Barstende bomme in die onmiddellike nabyheid van sy (Paul Kruger se) rytuig het skampere opmerkings aan die ou man ontlok oor die plofkwaliteit van die “koningin se pille”, soos hy dit genoem het (D.W. Krüger: Kruger II, 1963, 252).
Oubaas Grant en tant Jossie sit in die voorhuis — soos hulle met skamper spot die kombuis-eetkamer noem wanneer daar gaste is (A.P. Brink: Gebondenes, 1958, 23).

Waar kom dit vandaan?
Uit Nederlands schamper

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.