Boervrou moet aanvallers huis toe vat

Emma du Plessis (64) is Woensdagoggend op haar plaas in die Leydsdorp-distrik buite Tzaneen in Limpopo aangerand waarna haar aanvallers haar gedwing het om hulle by hul woongebied te gaan aflaai.

Beeld berig dat Du Plessis byna ʼn uur lank aangerand is voor sy die aanvallers by die Rita-gebied, sowat 50km van haar plaas, moes gaan aflaai aangesien nie een van hulle kon bestuur nie. Du Plessis se seun, Braam, sê van sy ma se ribbes is gebreek en sy is met ʼn mes onder haar regteroog gesteek. Du Plessis het omstreeks 1:00 Woensdagoggend iets gehoor en is in die sitkamer deur twee mans oorrompel nadat sy gaan ondersoek instel het. Die mans het haar gewurg, geskop, geslaan en sowat ʼn uur lank gemartel. Du Plessis se bejaarde ma, Elsa Prinsloo (86), was ook in die huis maar het nie wakker geword tydens die aanval nie. Du Plessis se aanvallers het ʼn selfoon, rewolwer, digitale kamera en R1 000 gevat waarna hulle haar gedwing het om hulle te gaan aflaai. Du Plessis het by die buurman gaan hulp soek nadat sy teruggekeer het. Niemand is nog in hegtenis geneem in verband met die aanval nie.

Lees meer hier.

Nou pra' jý

Maroela Media hou van 'n lekker warm debat en wil aan alle kuiermense die geleentheid gee om hul mening te lug. Ons sal egter geen rassisme, seksisme, homofobie, vieslike persoonlike opmerkings, ander vorms van haatspraak of kru, kras en vuil taal duld nie. Maroela Media behou die reg voor om enige kommentaar te verwyder. Moenie die oom of tannie in die familie wees van wie niemand hou nie.

Een kommentaar

Die kommentaar is gesluit.