'Modimolle-monster': Sithole het glo gehuil

"Modimolle monster" Johan Kotze appears in the High Court in Pretoria on Monday, 15 April 2013 along with his co-accused (from left) Andries Sithole, Frans Mphaka and Pieta Mohlane. They are accused of murdering Kotze's 19-year-old stepson Conrad Bonnette at Kotze's house in Modimolle on January3 last year. They are also accused of kidnapping, assaulting, repeatedly raping, and attempting to murder Kotze's former wife, Ina Bonnette.Picture: Werner Beukes/SAPA

Johan Kotze en sy medebeskuldigdes (van links) Andries Sithole, Frans Mphaka en Pieta Mohlane Foto: Werner Beukes/SAPA

Een van Ina Bonnette se vermeende verkragters het Dinsdag aan die Pretoriase hooggeregshof gesê hy was só bang vir Johan Kotze dat hy gehuil het terwyl hy bo-op haar gelê het en voorgegee het dat hy haar verkrag.

Andries Sithole het sy getuienis herhaal dat hy Bonnette nie kon verkrag nie. Hy het glo sy onderbroek aangehou.

Sithole, Bonnette se eksman Johan Kotze, Pieta Mohlane en Sello Mphaka het onskuldig gepleit op aanklagte van ontvoering, verkragting en poging tot moord op Bonnette en moord op haar seun, Conrad op 3 Januarie 2012. Bonnette en Kotze was in daardie stadium nog getroud, maar sy het in haar eie woonstel gebly.

Bonnette het vroeër getuig dat Kotze haar seksueel gemartel het en haar tepels afgesny het terwyl die ander drie mans toegekyk het. Hulle het haar toe glo om die beurt verkrag. Sy moes ook luister hoe haar 19-jarige seun om sy lewe pleit voordat Kotze hom glo in sy huis in Modimolle doodgeskiet het.

Kotze het erken dat hy ŉ naald en knyptang op Bonnette gebruik het, maar voer aan hy was buite homself van woede weens Bonnette se beweerde ontrouheid en dat hy nie presies kan onthou wat gebeur het nie.

Hy erken dat hy die .22 vuurwapen, wat gebruik is om sy stiefseun dood te skiet, hanteer het, maar voer aan dat hy nie kan onthou dat hy die sneller getrek het nie.

Alhoewel Bonnette getuig het dat die ander drie mans haar om die beurt verkrag het, het hulle almal aangevoer dat hulle fisies nie in staat was om haar te verkrag nie.

Sithole het onder kruisverhoor gesê dat hy en die ander twee mans bang was vir Kotze en dat hulle sy opdragte gevolg het omdat hy hulle gedreig het. Hy het ŉ vuurwapen gehad en was glo baie aggressief teenoor hulle.

Sithole het aan regter Bert Bam gesê Kotze het hulle gedreig deurdat hy sy hand na sy vuurwapen, wat aan sy sy vasgemaak was, beweeg het.

Sithole het ook gesê hy het geweet hy kan ŉ seksueel oordraagbare siekte opdoen indien hy geslagsomgang met ŉ vrou het, maar was nie bewus van sy eie of Bonnette se gesondheidstatus nie. Hy het later uitgevind dat hy HIV-positief is, maar weet nie hoe hy besmet is nie. Hy sê Kotze het nie een van hulle gevra of hulle HIV-positief is voordat hy hulle aangesê het om Bonnette te verkrag nie.

“Ek was so deurmekaar, ek het gehuil. Sy kon nie my trane sien nie, omdat ek ŉ sykous oor my kop gehad het, maar my trane het gevloei toe ek bo-op haar gelê het.”

Sithole het gesê hy het gehuil omdat hy gevoel het sy lewe is in gevaar.

Die hofsaak duur voort.

‘Modimolle-monster’: Sithole het glo gehuil

ondersteun maroela media só

Ontlasting by lughawe uitgegooi

‘Rower’ skiet homself

Het jy gehoor?

Uitsoekdramas op Suidoosterfees te sien

Taalgebruik: fonds, vonds

Nuwe neste in die ruwe orde

Wiele2Wiele ry met sakpas Jaecoo J7

Nou pra' jý

3 Kommentare

Peiling

nuus oor die verkiesing

Neutedop-nuusbrief