Paramedici van Netcare 911 is Maandag na ʼn kleuterskool in Amanzimtoti ontbied toe ʼn slang op hul speelgrond ontdek is.
“Toe ek by die pre-primêre skool in Umdoni aankom, was ʼn Rooilippie besig om ʼn baie groot padda in te sluk,” het Chris Botha, woordvoerder van Netcare 911, in ʼn verklaring gesê. “Slegs die agterkant van die padda het nog by die slang se bek uitgesteek.”
Die kinders en hul onderwysers het die petalje van ʼn veilige afstand aanskou en die onderwysers het verduidelik wat besig is om te gebeur. “Ek het die slang gevang en dit in ʼn houer geplaas. Die slang het toe die padda uitgespoeg,” het Botha bygevoeg. Die slang is later in ʼn veld, ver van enige skool af, vrygelaat.
Wonderbaarlik het die padda ook die voorval oorleef en het weggehop.
Vir ‘n verandering is daar nie politieke inmenging. Dalk tog ‘n politieke slang wat sy ding wil doen ?
Daars n slang in die gras by die skool .Hopelik nie n politieke slang nie!
Daardie padda lyk vir my heel dood.
Kyk die padda se bloed. Net weg spring? Ek twyfel. Hy lyk dood
Ag dankie tog die slang is ‘vrygelaat” en nie doodgemaak nie.
Ek is baie lief vir paddas. Daai padda sou iewers inkruip en doodgaan. Siestog.
Onmoontlik dat dazai padda nog kon gaan opsit in die vlei! Hy is klaar deeglik morsdood gesterf. Die slang verwurg (constrict) hom voordat hy hom begin sluk.