ʼn Swanger vrou, in haar 20s, is Dinsdag ernstig beseer toe sy onder ʼn vragmotor vasgekeer is.
“Paramedici is na die toneel naby Edendale in Pietermaritzburg ontbied waar ʼn groot wipbakvragmotor in die middel van die pad omgeslaan het,” het Russel Meiring, woordvoerder van ER24, in ʼn verklaring gesê. “Die vrag sand het oor die pad gelê.”
ʼn Vrou, wat hoog swanger is, se onderlyf was onder die vragmotor vasgekeer. “Sy het ernstige beserings aan al twee haar bene opgedoen,” het Meiring bygevoeg. “Die reddingspan het langer as ʼn uur gespook om die vrou te bevry.” Paramedici het die vrou op die toneel gestabiliseer en sy is na Edendale-hospitaal geneem vir verdere behandeling.
Die oorsaak van die ongeluk is nog nie bekend nie. Owerhede stel ondersoek in.
Weet ons of sy die baba kon hou?
Weet ons al of die baba oorleef het?
Daar word so veel klem week na week gele oor hoeveel dronk bestuurders aan gekeer is. Wanneer gaan hulke soveel moeite doen om die onpadvaardige, roekelose trokke, busse en taxi’s aankeer wat meeste van die tyd oor die spoed grens ry en niks vir ander se lewe voel nie.