Kampsbaai-moord: Guatemalaan in hof

Gabriela Alban. Foto: Facebook

Gabriela Alban. Foto: Facebook

Die man van Guatemala wat van die Amerikaanse bemarker, Gabriela Alban (39) se moord in ʼn hotelkamer in Kampsbaai, beskuldig word, het Dinsdag vlugtig in die Kaapstadse landdroshof verskyn.

Diego Carlos Estuardo Dougherty Novella (43) het voor landdros Joe Magele verskyn. Hy moet Vrydag weer in die hof verskyn sodat sy aansoek om borgtog geskeduleer kan word.

Novella word tans beskuldig van moord met voorbedagte rade, maar staatsaanklaer Carmen Daniels het aan die hof gesê die ondersoek duur voort, en bykomende klagtes kan bygevoeg word, afhangende van die outopsie-verslag.

Alban is op 29 Julie glo verwurg in ʼn luukse hotel in Kampsbaai, Kaapstad.

William Booth, vir Novella, het gesê hy het nog nie die geleentheid gehad om die saak ten volle met sy kliënt te bespreek nie, aangesien konsultasies nie na-ure of oor naweke by Pollsmoor-gevangenis toegelaat word nie. Hy hoop om op 7 Augustus meer inligting te hê en dit kan dalk moontlik wees om dan die borgtogaansoek te skeduleer. “Ek het behoorlike opdragte van my kliënt nodig oor dit wat die aand gebeur het.”

Lees alle vorige berite oor Gabriela Alban op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Winston ·

Borg vir hierdie man moet nie eers oorweeg word nie. Hy sal maklik uit sluip soos ander voor hom……

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.