Morné van der Westhuizen (19) het Maandag, etlike minute nadat hy slegte nuus oor sy vriendin, Chrisna Botha, in die intensiewesorgeenheid van Mediclinic Bloemfontein ontvang het, na sy dood gespring.
Claudia Hanekom, ʼn vriendin van Van der Westhuizen en Botha, het Maandag aan Maroela Media gesê hulle is almal deur die voorval geskok. Hanekom was ʼn ooggetuie van die springdood en die laaste persoon wat saam met hom was.
Van der Westhuizen en Botha, was albei tweedejaar onderwysstudente aan die Universiteit van die Vrystaat en was ongeveer ʼn jaar lank in ʼn verhouding.
Na wat verneem word, is Botha Sondagaand breindood verklaar nadat sy Saterdag van haar perd afgeval het.
“Ons het Chrisna vroeër Sondag gaan besoek en is daarna Brandfort toe,” het Hanekom gesê. “Ons het vanoggend van Brandfort teruggery om haar weer te besoek.” Hulle is by die hospitaal ingelig dat Botha breindood verklaar is. “Ek dink die skok was vir hom te veel toe hy die nuus hoor,” het Hanekom bygevoeg. “Hy het uit die waaksaal gestorm. Ek was na hom op soek toe ek hom sien val het.”
Hanekom beskryf haar “blondekop, blou oog”-vriend as ʼn opgewekte persoon wat altyd gelukkig was. “Hy was ʼn great vriend. Hy het ons altyd laat lag en het baie vir sy medemens omgegee. Ons het glad nie só iets verwag nie.”
Amanda Appelgryn, die hospitaal se woordvoerder, het vroeër aan Maroela Media gesê Van der Westhuizen het omstreeks 11:30 van die sewende verdieping na sy dood in die voorportaal gespring. “Ons het traumaberaders op die toneel wat almal wat deur die voorval geraak is, bystaan. Hulle bied ook berading aan sy familie,” het sy gesê. Klik hier om meer te lees.
Innige meegevoel aan beide famielies en ook vriende. Hoop en bid vir beide afgestowenisse se famielies. Ekself ry perd, dit bly ‘n dier (al is die perd hoe goed afgerig), moet nooit hul krag onderskat nie.
Innige simpatie aan beide families. Dis so tragies. Ek verstaan hoe Morne moes voel, sy wereld het in duie gestort, dan maak niks saak nie. Bid vir julle