Argieffoto: SAPS
Die Mooinooi-polisie in Noordwes het ʼn grootskaalse soektog van stapel gestuur na ʼn groep van sewe verdagtes wat die naweek op ʼn plaas in die gebied toegeslaan het.
Kapt. Paul Ramaloko, polisiewoordvoerder, het Dinsdag gesê die verdagtes het omstreeks 01:00 toegang tot die perseel gekry en twee plaaswerkers in hul kamers oorweldig en met gewere aangehou.
“Die twee werkers is met toue vasgebind terwyl die aanvallers hul huis geplunder en verskeie elektroniese ware gebuit het,” het Ramaloko gesê.
Die verdagtes is daarna na die plaaseienaar, wat tydens die voorval nie by die huis was nie, se huis waar hulle ingebreek het. “Hulle het te voet met ʼn kluis, elektriese ware, ʼn aansienlike bedrag geld en ʼn vuurwapen van die toneel gevlug.”
Die polisie het ʼn beroep op die gemeenskap gedoen om enige inligting te verskaf wat die polisie met hul ondersoek kan bystaan. Bel die Mooinooi-polisie by 014 574 3222.
Begin sommer daar op die plaas. Die spore is gewoonlik duidelik.
Die vuurwapen waarmee hulle gevlug het gaan nogal ‘n probleempie wees.
Dank die Vader, hy was nie by die huis nie,anders het ons dalk weereens n moord berig
in die koerant gelees.
Daar is sooooo baie plakkerskampe in die omgewing, en met vandag se polisie, STERKTE!!!!
3 manne het my ouers op Boshoek aangdval in April. Ons het tot fotos van hulle. Die polisie het nog niks gedoen nie.,.
Jammer om dit te noem. Maar nou dat die werkers aan geval is , is daar ‘n GROOT skaalse soektog van stappel gestuur. In die geval van Dedrd is daar niks gedoen nie. Wat se dit vir ons.