ʼn Man van China is Woensdag by die Kaapstad Internasionale Lughawe in hegtenis geneem nadat hy renosterhoring en perlemoen in sy besit gehad het.
“Die 32-jarige man is in hegtenis geneem op aanklag van die oortreding van die Wet op Natuurbewaring en Marinehulpbronne,” het FC van Wyk, woordvoerder van die polisie, gesê.
Die man was glo op pad na Durban toe die Grenspospolisie se teensmokkelspan hom in hegtenis geneem het en 5 kg renosterhoring en perlemoen gevind het.
“Die verdagte is in aanhouding en sal binnekort in die Bellville-landdroshof verskyn,” het Van Wyk bygevoeg.
‘n Regmerkie vir die polisie.
Die hof moet die smokkelaars ‘n minimum boete van R1 miljoen ople – hulle maak genoeg geld met hulle gesmokkel. As hulle dit nie kan betaal nie, voer hulle vir die leeus – so sal hulle nooit weer ons wild pla nie!!