Gesondheidsdepartement se gebou glo met petrolbom bestook

Die ingang van die departement van gesondheid se gebou in die Pretoriase middestad na die brand. Foto: Twitter

Die ingang van die departement van gesondheid se gebou in die Pretoriase middestad na die brand. Foto: Twitter

Die departement van gesondheid het bevestig dat daar Woensdagmiddag ‘n brand by sy gebou in die Pretoriase middestad was nadat daar glo ‘n petrolbom na die ingang van die gebou gegooi is.

Joe Maila, woordvoerder van die departement, het aan Maroela Media bevestig dat niemand tydens die voorval beseer is nie. Maila sê ‘n man het glo ‘n petrolbom na die ingang van die gebou gegooi waarna ‘n brand uitgebreek het.

Hy sê die brand is geblus voor dit na ander dele van die gebou kon versprei. Maila het ook bevestig dat veiligheidspersoneel ‘n verdagte aangekeer het en dat hy aan die polisie oorgegee is. Hy sê die gebou is as voorsorgmaatreël ontruim.

Volgens lt.kol. Lungelo Dlamini, woordvoerder van die polisie, is ‘n 54-jarige man in verband met die voorval in hegtenis geneem. Hy sê ‘n saak van brandstigting word ondersoek. “Die motief vir die voorval is nog nie bekend nie.”

Johan Pieterse, woordvoerder van die Tshwane-nooddienste, sê met hul aankoms op die toneel was die brand reeds geblus.

Die brand het egter tot erge verkeersontwrigting in die middestad gelei.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Chris ·

Ek is seker daai verdagte man het of behandeling by ’n staatshospitaal ontvang of dalk het hy ook sy dae daar omgesit en tevergeefs gehoop op ’n behandeling. Glo darem die insident sou die klomp aan die beweeg kry al was dit net tydelik.

Canned Phantom ·

Chris, dit was die man se familie. Ek dink hy het dit nie gemaak nie. Hoeveel mense kom uit ‘n staatshospitaal uit beter as toe hulle ingegaan het?

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.