Pta-vrou vermoor, liggaam in veld gestort

Marlien Erasmus. Foto: Facebook

Marlien Erasmus. Foto: Facebook

Die polisie ondersoek ʼn saak van moord nadat die liggaam van Marlien Erasmus, in haar 20’s, Donderdag in ʼn veld in Pretoria gevind is.

Kapt. Thomas Mufamadi, polisiewoordvoerder, het Vrydagmiddag aan Maroela Media gesê ʼn verbyganger het op haar liggaam, wat in ’n kombers toegedraai was, afgekom.

“Haar liggaam is omstreeks 10:00 in die veld langs Freddie Berghstraat in Danville gevind,” het Mufamadi gesê.

Mufamadi het gesê ʼn nadoodse ondersoek gaan gedoen word om te bepaal hoe sy vermoor is.

Niemand is nog in verband met die voorval in hegtenis geneem nie.

Dit is nie bekend hoe lank haar liggaam daar gelê het nie.

Erasmus woon in Booysens, in die weste van Pretoria, en is die ma van twee dogtertjies.

Lees die opvolgberig hier.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

9 Kommentare

CHRISTA ·

Wanneer gaan dit ophou? Moet ons die weermag gebruik om ons paaie, voorstede en stede te patroleer?

Peet Schabort ·

Christa, dit lyk my die weermag word eerder buitelands ingespan. Terloops, wat is oor van ons eens trotse weermag?
Wat ookal die omstandighede van die ma se dood, dit is uiters hartseer en onnodig.

JoeV ·

Die was bekende mense wat haar vermoor het. Die opportunistiese moordenaar maak nie die lyk toe nie en vervoer dit ook nie.

jaycee ·

Met al die geweld, moord en misdaad in ons land dink ek daar is meer as net ‘n slang in die gras; die duiwel is los. Mense se respek vir wet, orde en verdraagsaamheid kwyn weg en kom selfs op interpersoonlike vlak toenemend na vore. Die eerste reaksie waartoe baie mense hulle wend is fisiese aggressiewe optrede, wat met hierdie moord die geval was. Ek vertrou daar sal altyd mense wees, al is dit net ‘n klein groepie, wat ‘n positiewe geloof in ons mooi land en sy mense se toekoms sal uitleef. Ons mag nie heeltemal tou opgooi nie.

Sussa ·

hoekom is daar nog nie ‘n opvolg artikel gedoen nie?? wat het met haar gebeur/ wat was die oorsaak van haar dood? Die nadoodse ondersoek is mos alankal verby???

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.