Veiligheidswag pleeg selfmoord by Menlyn-winkelsentrum

Argieffoto

Argieffoto

WAARSKUWING: Die foto’s onderaan die berig kan sensitiewe kykers ontstel. ʼn Veiligheidswag het Dinsdagmiddag omstreeks 14:00 na sy dood gespring by Menlyn-winkelsentrum in Pretoria, Gauteng.

“Dit is nie duidelik van watter vloer die man gespring het nie,” het kapt. Colette Weilbach, woordvoerder van die Brooklyn-polisiestasie, aan Maroela Media gesê. “Geen vuilspel word in hierdie stadium vermoed nie.”

Weilbach het bevestig die polisie doen ʼn geregtelike doodsondersoek. Sy kon nie enige verdere besonderhede bekend maak nie.

Andrea de Wit, bemarkingsbestuurder by Menlyn-winkelsentrum, het Dinsdag aan Maroela Media bevestig dat ʼn lid van die veiligheidspan glo selfmoord gepleeg het. “Die polisie en nooddienste is op die toneel en sal die saak verder hanteer,” het De Wit gesê. Sy kon ook nie verdere besonderhede bekend maak nie.

Tanica Avril Fourie, een van Maroela Media se lesers, was ʼn ooggetuie en het gesê die voorval het by die Food Court in die sentrum plaasgevind. “Die slag was só hard toe hy die grond tref, dat mense paniekerig begin skree het, ‘Iemand skiet!’.” Sy het gesê mense het in alle rigtings begin hardloop. Sy het op die glasbrug verbygeloop net nadat die voorval gebeur het.

Die slagoffer se naam en ouderdom is nog nie bekend gemaak nie.

WAARSKUWING: Die volgende foto’s kan sensitiewe kykers ontstel.

Foto aan Maroela Media verskaf deur een van ons lesers

Foto aan Maroela Media verskaf deur een van ons lesers

Foto: Tanica Avril Fourie

Foto aan Maroela Media verskaf deur een van ons lesers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Trippie ·

Die sentrum is sowat 8 kilo’s van my af. Ek was tot redelik onlangs byna elke naweek daar, sommer net vir ‘n lekker ontbyt, of koek en tee by Parrots.

Waarom dit doen waar soveel lede van die publiek dit kon aanskou ? Ek glo dit is ‘n gesig wat toeskouers nie sommer sal vergeet nie.

Leeutjie ·

Ai dis so jammer. Wat het die arme man besiel en wat het hom daartoe gedryf? Kon hy nie maar met iemand gepraat het nie? My hart gaan uit na sy naasbestaandes. Ek glo God sal vertroosting bring.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.