ʼn Negejarige meisie van Marble Hall in Limpopo is dood nadat sy vroeër die week deur weerlig getref is.
Kons. Lethunya Mmuroa, polisiewoordvoerder, het Vrydag gesê die meisie het Donderdagmiddag ná skool huis toe gestap toe sy getref is. “Sy is na ʼn plaaslike hospitaal gehaas vir behandeling, maar het ongelukkig nie oorleef nie,” het Mmuroa gesê.
Die meisie is as Refilwe Mokau, ʼn graad 3-leerling aan Makalakanye Primary School, geïdentifiseer.