Hul vangs sou moontlik ongemerk verbygegaan het as hulle nie op pad huis toe by ʼn vulstasie gestop het met die reuse roofdier agterop hul bakkie nie. ʼn Foto van die haai agterop die bakkie het egter soos ʼn veldbrand op sosiale media versprei nadat ʼn verbyganger dit aan Pensacola News-Journal gestuur het en dit op hul Facebook-blad gelaai is.
Die koerant kon daarin slaag om die hengelaars op te spoor. Eranie Polk, Joey Polk en Kenny Peterson het die haai laataand van die strand af gevang en het glo sowat ʼn uur gespook om die bielie van 3,3m en 365kg in te katrol. Volgens berigte is die vangs moontlik ʼn nuwe wêreldrekord vir ʼn haai wat van die strand af gevang is.
Wonder of dit wettig is. Gaan seker lekker geeet word.
Man,,, hoe raak ek darm nou lus vir n lekker naweek van visvang. Hoop ek kry my bakie vandag, dan is die lyne nat, vuurtjie wat brand en n dop in die hand. :-)
Ja, wat maak mens met ‘n haai. Ek verstaan die vleis is giftig?