‘n Paptert is ‘n ou gunsteling om te bedien saam met ‘n braai. Probeer ons weergawe van dié braaitreffer.
Lewer 6 tot 8 porsies
Bestanddele:
- 3 uie, geskil en gekap
- 2 knoffelhuisies, geskil en gekneus
- 30 ml botter of margarien
- 1x 410g-blik heel tamaties, gekap
- 5 ml sout
- varsgemaalde swartpeper
- 250 g ontbytspek, gekap
- 1x 410g-blik pitmielies, gedreineer
- 1 l stywepap
- 500 ml gerasperde cheddarkaas
- 200 g spinasie, geblansjeer, ribbe verwyder en gekap
- 250 ml room
Metode:
- Voorverhit oond 180 °C. Smeer ‘n middeslag-oondskottel.
- Braai uie en knoffel in smeer. Voeg tamaties, sout en peper by en prut ingedamp.
- Braai spek bros en dreineer.
- Meng mielies en pap en skep ‘n laag papmengsel in skottel. Skep die tamatiemengsel, ontbytspek, 400 ml kaas en spinasie bo-op.
- Skep die res van pap bo-op, strooi die orige kaas oor en giet room bo-oor.
- Bak 60 minute lank en sit warm voor.
Bron: Lekker & Vinnig Braaigeregte
Uitgewer: Lapa Uitgewers
Hi Ek probeer die resep aanstuur,maar weet nie hoe om julle te help om seker te maak of ek n mens is nie,die laaste kolom wat ingevul moet word.
Watse inligting verwag julle presies?
Dagsê Suzy
In die blokkie (voordat jy daarop klik) is daar ‘n eenvoudige som. Klik dan net op die blokkie en vul die antwoord van die som in.
Dit is maar net om seker te maak dat kuberkrakers nie ‘n robot kan gebruik om ons webwerf aan te val nie.
Groetnis
Suné
nms Maroela Media
Ons moet die pap maak
baie lekker
Die resepte lyk so heerlik. Ek gaan die melkpaptert sommer vir aandete maak.