Een van die land se grootste jazz-sangeresse, Gloria Bosman, is Dinsdag in die ouderdom van 50 oorlede.
Bosman, gebore in Soweto, was ʼn sangsensasie en het twee Suid-Afrikaanse Musiektoekennings (Sama’s) ontvang met meer as 11 nominasies. Sy het die verhoog met legendes soos Hugh Masekela, Sibongile Khumalo en Sipho “Hotstix” Mabuse gedeel.
Sy is ná ʼn kort siekbed oorlede.
Bosman het in Desember 2022 aangesluit as raadslid van die Suid-Afrikaanse Musiekregte-organisasie (Samro).
“In die kort rukkie wat sy ʼn lid van die raad was, het sy, as ʼn komponis en uitvoerende kunstenaar, ʼn perspektief gebring wat bestaan het uit ʼn ryke mengsel van insigte oor lede se behoeftes en die rigting waarin die organisasie moet beweeg,” het Nicholas Maweni, voorsitter van die Samro-raad, gesê.
“Sy was ʼn energieke en passievolle raadslid wat ten volle die organisasie se strategiese rigting ondersteun het, insluitend om inkomstestrome vir Samro te diversifiseer terwyl lede se belange beskerm word deur betrokke wetgewing. Die hele raad is geskok en hartseer oor haar ontydige afsterwe.”
Bosman was uitgesproke oor haar Christengeloof en gospelalbums uitgereik. “God is my alles. Ek glo in gebed. Sy teenwoordigheid in my lewe laat my nederig voel. Hy is die gewer van talente en breinkrag,” het sy in 2009, met die uitreiking van een van haar albums, in ʼn onderhoud met Sarie gesê.
Huldeblyke stroom intussen in vir Bosman.
“Ek kan dit nie glo nie,” skryf sangeres Amanda Strydom. “Rus in vrede my pragtige, wonderlike Gloria. Te gou, te gou. Mag jy in vrede rus, ons gaan jou verskriklik baie mis. Ek dink aan jou familie, jou kinders, jou kleinkinders, jou vriende, jou geliefdes en ons hele musiekfamilie. Jy was die stem, die lig. Jy sal nie vergeet word nie.”
So Sad , gutted , Rest In Peace my dear friend #gloriabosman , thank you for sharing the stage and sharing your gift with us all , am shattered – Love and respect Sipho and the hotband @SIPHIWEGKUBHEKA @thamiMgcina @Tabiasongbird #RIP Gloria Bosman ???????? pic.twitter.com/BMRGrqOVFW
— Hotstix (@siphohotstix) March 14, 2023
Very sad
RIP