Tannie bekrap per ongeluk R1,2 miljoen-skildery

Argieffoto

Argieffoto

ʼn 91-jarige vrou het ʼn skildery, ter waarde van meer as R1,2 miljoen bekrap, toe sy die opdrag op die kunswerk, “vul woorde in”, gevolg het.

Die Deense kunstenaar Arthur Köpcke het in 1977 gelede sy werk, “Reading-work-piece”, ʼn gedeeltelik voltooide blokkiesraaisel met die voorstel, “vul woorde in”, geskep. Dit is tans in die Neues-museum in Nuremberg, Duitsland te sien, berig The Telegraph.

“Die vrou het gesê sy het aangeneem die opdrag is ʼn uitnodiging om die blokkiesraaisel te voltooi,” het ʼn woordvoerder van die polisie gesê.

Eva Kraus, direkteur van die museum, het gesê ʼn privaat versamelaar het die kunswerk aan die museum geleen, en het nuus oor die skade “met ʼn goeie sin van humor” ontvang.

Volgens Kraus het die vrou, wat die museum saam met ʼn groep senior burgers bygewoon het, nie vernielsugtig opgetree nie. Die Associated Press berig die skade is wel by die polisie aangemeld sodat daar van die versekering geëis kan word.

Dit sal glo ʼn paar honderd dollar kos om die skildery te restoureer.

Die Duitse koerant, Suddeutsche Zeitung, het berig die vrou het aan die polisie gesê sy is van mening die museum moes ʼn waarskuwing opgerig het om vir mense te sê hulle moenie die kunstenaar se opdrag volg nie.

Die vrou wat die toergroep gelei het, het gesê daar is talle interaktiewe stukke in die museum en dit het moontlik tot die verwarring gelei.

Bron: Newser

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Paul ·

Moenie tussen ‘n ou tannie en ‘n blokkiesraaisel staan nie!

Die kunstenaar sou dit waarskynlik as ‘n uiterste kompliment beskou.

E ·

Die tannie het nou die kunswerk voltooi.
Dit is mos ook kuns :)

tamboti ·

Soms is “kuns” so vergesog dat dit regtig HULP nodig het!

Loeis ·

Dalk kort hulle iets “vul die IK toets in” wat dan resultate ook bereken.

e ·

Hehe, my ma sou ook in die moeilikheid getrap het… sy was gek oor blokkieraaisels.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.