Leah. Foto: Coproductions.co.za
Soos die meeste mense het Leah ook ʼn wenslysie en een van die drome wat onlangs op haar lys waar geword het, is die kans om ʼn temaliedjie vir ʼn fliek te sing. Sy sing die liedjie “Flitslig” in die Afrikaanse animasiefliek Die Sneeukoningin.
Leah het telefonies uit die Kaap met Esté Meyer Jansen gesels oor die temalied, die fliek en sommer ook vertel wat haar gunsteling-sprokie is.
