Die rondstampery van naasbestaandes van plaasmoorde deur lede van die polisie tydens ’n wettige protesbyeenkoms, dryf die wig van polarisasie in die land net dieper in. Ongelukkig herinner die polisie se beweerde onbewustheid daarvan dat toestemming vir die protes verleen is die indruk van ’n polisiediens van ’n piesangrepubliek.
Nuuskommentaar: Hoe ver sal die Afrikaner sy volksidentiteit dryf of bodder hy hoegenaamd?
Die kwessie van Afrikanerskap eerste, of Suid-Afrikanerskap eerste, het pas weer onregstreeks momentum gekry ná die afsterwe van die Stellenbosse filosoof prof. Johan Degenaar. Pluraliteit is onder meer teenoor nasiebou gestel.
Nuuskommentaar: Studenteprotes teen Afrikaans
Studente by die Elsenburg-landboukollege naby Stellenbosch wat luid teen die aanbied van lesings in Afrikaans beswaar gemaak het, het tot die (voorlopige) opskorting van Afrikaanse onderrig aldaar gelei. Die protes staan nie in isolasie nie en dit blyk al duideliker dat daar ’n irrasionele politieke motief teen Afrikaans vaardig is.
Nuuskommentaar: Nkandla, vlagskip van korrupte SA
Volgens ’n nuwe verslag beskou al meer potensiële buitelandse beleggers Zimbabwe as ’n beter beleggingsopsie as Suid-Afrika; ’n byna onafwendbare gevolg weens Nkandla wat die vlagskip van ’n korrupte SA geword het.
Nuuskommentaar: Roelf: ‘SA nie mislukte staat’
Tegnies is Suid-Afrika seker nie ’n mislukte staat nie, maar dit lyk asof die land heel waarskynlik flink daarheen op pad is. Oplossings moet egter gevind word om nou reeds die kreeftegang te stuit en nie eers vir ’n post-Zuma-era te wag nie.
Nuuskommentaar: Wreed, wreder, Suid-Afrika?
Die wreedheid van ’n onlangse plaasmoord maak weer opslae. Maar pleeg hierdie wrede misdadigers nie nog ’n misdaad nie, deur ons die voorreg te ontneem van ’n regstelsel wat ’n beskaafde samelewing verdien nie?
Nuuskommentaar: Om beleggers onder die alie te skop
Oral ter wêreld word intensiewe pogings om buitelandse beleggings te lok van stapel gestuur. Suid-Afrika se pogings word egter oorskadu deur lomp en ideologiese wetgewing, radikale vakbonde en politici wat ʼn hoër premie op politieke beheer as bestuursuitnemendheid plaas.
Nuuskommentaar: Om met “self” konflik te verminder
Die parlement van Oekraïne het pas ʼn voorstel van die president goedgekeur waarvolgens die ooste van Oekraïne “spesiale status” sal verkry. Maar is dit nie té min, té laat nie – daar is immers ook reeds ander se skaakstukke in die land aan die skuiwe maak. En hoeveel lesse kan Suid-Afrika hieruit neem?
Nuuskommentaar: Die staat of die private sektor?
Eskom se gespook om krag teen bekostigbare pryse te lewer, en bly lewer, wys egter ook op ’n ander aspek – die drang na groter staatsbetrokkenheid in die ekonomie, gerugsteun deur sosialistiese vakbonde. Die Griekse tragedie dui egter duidelik aan wat gebeur as hierdie koers ingeslaan word.
Nuuskommentaar: Hoe lank nog rassepolarisasie in SA?
’n Swart Amerikaanse akademikus het pas ’n artikel oor rassepolarisasie en versoening in die VSA geskryf waarvan Suid-Afrikaners gerus kennis kan neem. Dit is gestroop van blaampolitiek en gerig op oplossings
Nuuskommentaar: Stylverskille (en suksesverskille) tussen Cosatu en Solidariteit
By die spesiale Cosatu-kongres lyk dit of die Zuma-kamp oorweldigend geseëvier het, wat byna seker tot ’n nuwe vakbondfederasie en party gaan lei. Maar die woelinge by die kongres staan in skrille kontras met Solidariteit wat ordelik dinge doen en gedoen kry.
Nuuskommentaar: Mensdom presteer in buitenste ruim, maar spartel dikwels hier
Met die New Horizons-tuig wat môre ná nege jaar Pluto bereik, word die mens se ruimteprestasies opnuut onder die vergrootglas geplaas. Maar terwyl die mens self miljarde kilometers van die aarde af kan presteer, hoekom maak dieselfde mensdom skynbaar hier op die ondermaanse soveel gemorse? Of is dit bloot ʼn pessimistiese blik oor ’n silwer randjie wat nie ragfyn dun is nie?
Nuuskommentaar: Om nie as kommentator op een snaar te bly tokkel nie
Te midde van die Zuma-manewales, korrupsie, wanadministrasie en ander negatiewe aspekte, moet die nuuskommentator waak daarteen om nie net op een snaar te bly tokkel nie. Daar is ʼn hele wêreld vol belangrike nuusgebeure, en soms moet die kommentator diep selfondersoek doen om te bepaal of hy nie dalk bloot skryf wat sy lesers wil hoor nie.
Nuuskommentaar: Is dr. Blade nou die vyand no. 1 van die nasie?
Het dr. Blade Nzimande met sy jongste kritiek op die regbank nou te ver gegaan? In ’n land waar die president sy sout werd was, sou hy ontslaan gewees het, maar dit is nou nie in Suid-Afrika die geval nie.
Nuuskommentaar: Hoe gepas is Afrika-sentrisme?
Is die regering se beheptheid met Afrika-sentrisme, en in wese eintlik swart Afrika-sentrisme, nie op opvattings van ’n skyngeskiedenis geskoei nie? In die proses, so lyk dit, trek die inwoners wie se voorouers reeds vóór die swart mense in die land was, ’n baie kort lootjie, terwyl diegene wat daarna of tegelyk met die swart mense gearriveer het, soos vreemdelinge in hul eie land beskou word.
Nuuskommentaar: Is die SA-media té krities op ANC?
Die ANC het pas gekla dat minstens ’n deel van die Suid-Afrikaanse media te krities op hom is. Maar ook hierdie dikbekheid moet krities bekyk word.
Nuuskommentaar: Aanlynnuus gereguleer
Sanef het pas etiese kodes vir die sosiale nuusmedia aanvaar. Dit is goed en wel, maar dit is belangrik dat al die oorsake van die vloed haatspraak en rassisme ook aangespreek word, soos ʼn kollektiewe en harde aanslag teen die regering se toenemende rasbeheptheid wat dit voed.
Nuuskommentaar: Plaasmoorde, volksmoord en die internasionale gemeenskap
Plaasmoorde het dié week weer op twee verskillende terreine in die nuus beland. Het die tyd nie aangebreek vir die minderhede in Suid-Afrika om hieroor en ander sake konsensus te bereik en kommentators wat steeds gister se oorlog voer en die probleme daarom onderspeel, eenkant toe te skuif nie?
Nuuskommentaar: Eers skiet ons die Kubane, nou vereer ons hulle…
Die VSA gaan nou ’n ambassade in Kuba open ná meer as 50 jaar waarin Kuba vir alles wat boos is voorgehou is, en in Bloemfontein heet die voormalige CR Swart-gebou nou amptelik die Fidel Castro-gebou. Dit word al hoe belangriker om goed ingelig te wees sodat kernwaardes die individu en volk kan rig ongeag die wêreld wat verander.
Nuuskommentaar: Die Zuma-moeras raak al dieper
Dit lyk of die skroewe om pres. Jacob Zuma en die bedrogklagte wat teen hom teruggetrek is, weer begin spook. In belang van die land moet dit nou tot ʼn punt kom.
nuus oor die verkiesing
