Dit lyk nie of die Zuma-administrasie daarin slaag om “die ander” kiesers wolle oor die oë te trek met die jongste verslag oor Nkandla nie, asook die verduideliking oor die Fifa-omkoopdebakel. Maar dit verhinder nie die regering om te probeer nie, en waarskynlik te glo dat dit heel suksesvol gedoen is nie.
Nuuskommentaar: Zuma se vreemde, vreemde wêreld
Suid-Afrika raak by die dag meer werklikheidsvreemd, en minister Nathi Nhleko se Nkandla-verslag het dit ʼn groot hupstoot gegee. Polarisasie groei, en weens die regering se rasbeheptheid, groei dit grootliks langs rasselyne.
Nuuskommentaar: Fifa-debakel warm patat vir ANC-regering
Daar moet so gou moontlik duidelikheid kom oor wie die Suid-Afrikaners is wat betrek word by aanklagte dat Suid-Afrika Fifa-amptenare omgekoop het om die 2010-wêreldbekertoernooi te kon aanbied. Veral die politieke ontplooiing van Danny Jordaan verg groot haas.
Nuuskommentaar: Plaas Zuma homself in die doofpot?
Terwyl pres. Jacob Zuma gister in die parlement sy begrotingsrede gelewer het, was daar nuusgebeure wat veel meer aandag in die media gekry het. Zuma self is byna verswyg. Selfs ’n adjunk-minister se beweerde geswets in die parlement het meer aandag gekry.
Nuuskommentaar: Is VSA wêreldpolisieman en SA Afrika-redder?
Die “vrede en groot pret” wat Afrika beleef het voordat “die ander” op die kontinent aangekom het, is nie al wat pres. Jacob Zuma ter viering van Afrikadag kwytgeraak het nie. Hy het ook nog versugtinge van ’n Suid-Afrika wat ’n leidende rol in Afrika sal speel.
Nuuskommentaar: Zuma maak weer Van Riebeeck en Kie. die sondaars
Pres. Jacob Zuma het te lekker gelag vir sy eie “spitsvondigheid” toe hy op Afrikadag gesê het Afrikane het in vrede saamgeleef en baie pret gehad voordat “die ander” opgedaag het. Maar strook dié stelling met die werklikheid? Herman Toerien het in die Afrikageskiedenis gaan delf.
Nuuskommentaar: Apartheid, kolonialisme, Jan van Riebeeck en nou “kleinbasie” afgestof
Die Gautengse LUR van onderwys se neerhalende verwysing na “kleinbasies” is nie die eerste en laaste keer waar die regering taal- en kultuurkwessies verdag probeer maak het deur ras op bedenklike wyse daaraan te koppel nie. Die reaksie daarop moet met styl geskied, maar die taalvoorvegters moet ook weet hulle het ’n mandaat om hul kop uit te steek.
Nuuskommentaar: Die doofpot
Dit laat die regering ongemaklik voel dat hy skynbaar so stief deur die media behandel word. Dit lyk egter nie of die regering bereid is om verhoudinge te verbeter deur meer deursigtig en verantwoordbaar te wees, en die media toe te laat om sy waghondfunksie na behore te vervul nie.
Nuuskommentaar: Lesse uit die Kerkstraatbom
Onder die talle dade van terreur wat die land in die verlede beleef het, staan die Kerkstraat-bomontploffing, wat vandag herdenk word, uit. Die les is dat diegene wat bou aan ’n regverdiger toekoms dit só sal doen dat die onskuldige bloed wat vergiet is, nie oneer aangedoen word nie.
Nuuskommentaar: ANC gebruik en misbruik bruin mense vir stemme
Terwyl die ANC bruin “tokens” inspan, word bruin deur die nasionale kwotas in die afgrond in benadeel. Maar bruin mense wat hulle so laat gebruik, of misbruik, staan nie alleen nie. Daar is ook wit gesigte in die ANC en die EFF.
Nuuskommentaar: Regering se Chroniese Terminale Boere-siekte (CTBS)
Bontpratery, wantroue en onkundigheid ontneem die kommersiële landbou van die stabiliteit wat nodig is om onder randomstandighede suksesvol te kan boer. Die regering dra ruim by tot hierdie onsekerheid.
Nuuskommentaar: As jy ʼn volk wil oorwin …
Moet ʼn regering nie eers sy verbintenis tot die Grondwet staaf, soos met taalregte nie, voordat die publiek met werklikheidsvreemde voorgestelde wetgewing soos ’n spoedbeperking van 40 kilometer per uur versmoor word nie? Kan die diens nog terug in die staatsdiens gesit word?
Nuuskommentaar: Die Groot Leuen en burgerlike ongehoorsaamheid
Volgens ’n voormalige premier van Mpumalanga is dit in die haak vir politici om kluitjies te bak en dit lyk of sommige politici dit in oordaad doen. Die publiek reageer egter daarop in die vorm van burgerlike protes. Twee artikels, “Die Groot Leuen”, en “Disobey!” wat burgerlike gehoorsaamheid onder die loep neem, het pas verskyn. Maroela Media kyk dieper.
Nuuskommentaar: Stadige wegbeitel aan ANC-staatsgreep
Die DA se hofsukses teen die speaker se belang kan moeilik oorskat word. Dit is maar een van die stappe wat binne en buite die parlement gedoen kan word om ANC- totalitarisme in die bek te ruk. Die vrye media en die burgerlike instellings het ook ʼn enorme rol en om in die proses ʼn stywe rek, gordel en kruisbande in te span om die broek bo te hou, is heeltemal in die haak.
Nuuskommentaar: SA keer rug op die Weste
Na berig word beklee kommuniste nou vier uit elke tien poste in Suid-Afrika se makro-kabinet, pres. Jacob Zuma is gereeld in Rusland aan pres. Wladimir Poetin se sy – is die Afrikaner gemaklik in die vel van ’n land wat duidelik sy koers ooswaarts rig?
Nuuskommentaar: “Oproep” van selfbeskikking en gesinswaardes val nie uit lug nie
Oorsaak het gevolge, en as daar ’n inploffing van die Zuma-staatsbestel is, sal daar sekere kragte loskom. Die DA het pas die handhawing van gesinswaardes as beleid aanvaar, ’n tipiese reaksie op morele verval. Selfbeskikking kom weer terloops by die Solidariteit-beraad ter sprake, en geen links-liberale lawaai daaroor gaan dié aspek laat verdwyn solank dinge gaan soos dit nou gaan nie.
Nuuskommentaar: Goeiemôre! ’n Stomende kommetjie gaat met bies op Afrikaans
Afrikaans is ’n pragtige taal met ’n verskeidenheid dialekte wat dit verryk, maar dit is ook nou ’n taal wat wakker moet loop om nie voor sy 100ste amptelike herdenking uit die Grondwet “gesteel” te word nie.
Nuuskommentaar: Om wanBeelde (en die Grondwet) neer te skiet
’n Baie slegte nasmaak wat aan die Nazi-PUK-hoernalistiek herinner, ontwikkel nou waar die positiewe van Solidariteit se krisisberaad verdag gemaak word. Gelukkig doen al die Afrikaanse media nie hieraan mee nie.
Nuuskommentaar: His Master’s Voice maak skande
Suid-Afrika sal stellig weer die prys op persvryheidsindekse betaal vir die SAUK se blinde oog gister op Solidariteit se krisisberaad by die Voortrekkermonument. Hierdie soort ideologiese stiksienigheid dwing die Afrikaner om opnuut sy eie middele, soos ’n behoorlike mediavermoë, te ontwikkel om sy saak te kan stel.
Nuuskommentaar: Is daar hoop vir vandag se beraad van hoop?
Verkeer die Afrikaner en ander minderheidsgroepe danksy, eerder as ten spyte van die Grondwet in ’n absoluut blootgestelde posisie – die slagoffers van die diktatuur van die meerderheid? Baie van hierdie vrae sal vandag antwoorde kry by die Solidariteit Beweging se oplossingsgerigte krisisberaad wat by die Voortrekkermuseum plaasvind.
nuus oor die verkiesing
