Meer as wat ons dalk besef, rig die sewe keer wat Jesus aan die kruis gepraat het, bekend as die sewe kruiswoorde, ons daagliks, skryf Herman Toerien. Dit rig en troos ons in ’n sondige wêreld.
Nuuskommentaar: Het SA Aprilgekland geword?
Om Aprilgekstories op 1 April te verkwansel is nie die groot kuns nie – in ’n land met sulke sirkusafmetings is dit ’n veel groter kuns om die onwaarskynlike waarheid as ’n werklike nuusstorie te verkwansel, skryf Herman Toerien. Met ’n regering met pres. Jacob Zuma aan die spits is bykans enigiets moontlik, blyk uit die reaksie op gister se Aprilgekstories.
Nuuskommentaar: Zuma se Nkandla-eis verstom
Baantjies vir boeties met die aanstel van Nkandla-kontrakteurs het nou soveel strukturele skade aan die kompleks, wat boonop oor ‘n verskuiwingsvlak gebou is, laat ontstaan dat die terrein waarskynlik ontruim moet word en pres. Jacob Zuma wil sy geld terug hê. Boonop gaan verskeie Khoi-San-groepe grondeise instel nadat dit aan die lig gekom het dat antieke beendere tydens die konstruksie ontdek is.
Nuuskommentaar: SA ’n geval van “Hoe verklaar jy dit?”
Die Afrikaner is nie ’n kanker in die land nie, maar kry saam met ander minderhede tog gereeld dié gevoel, skryf Herman Toerien.
Nuuskommentaar: Ons Christelike verantwoordelikheid teenoor vervolgde Christene
Paasfees is nie maar net die tyd vir die paashaas en paaseiers en ’n jaarlikse langnaweek met ’n padslagting nie, maar die Christendom se belangrikste fees op die kalender. In die Midde-Ooste en elders word Christene egter steeds periodiek vervolg, soms weens die optrede van Christene in die Weste. Ons het ’n biddende verantwoordelikheid teenoor hierdie Christene, skryf Herman Toerien.
Nuuskommentaar: Selfmoord-moorde van vlieëniers nie heeltemal onbekend
Die medevlieënier van Germanwings wat ‘n passasierstraler met 150 mense aan boord in die Franse Alpe laat val het, is nie die eerste vlieënier wat dit gedoen het nie. Daar rus ‘n onus op elkeen van ons om te let op mense om ons wat probleme ervaar dat dit reg, en sonder stigma, aangespreek kan word.
Nuuskommentaar: ’n Rasseramp genaamd Zuma
Pres. Jacob Zuma slaan die bal mis as hy meen rassediskriminasie is nie rassediskriminasie nie wanneer dit toegepas word om die sleureffek van rassediskriminasie teen te werk, skryf Herman Toerien. Dit is belangriker vir die land om ekonomies te groei en so geleenthede vir almal te skep.
Nuuskommentaar: Weer kwotaseisoen
Op dieselfde dag as wat ’n gebore Suid-Afrikaner die wenlopies teen sy geboorteland in die Wêreldbekerkriekettoernooi geslaan het, het die parlementêre sportkomitee die rugby-afvaardiging weens hul “wit gesigte” bygeloop en op meer kwotarugby aangedring. Dit terwyl bykans alle internasionale sportliggame, rugby en krieket inkluis, politieke inmenging en rassisme in dié sportsoorte verbied.
Nuuskommentaar: Wanneer “regstellende optrede” rassisme word
In sy “ywer” tot nierassigheid het die ANC nou reeds 67 rasgebaseerde wette en wetlike maatreëls op die wetboek geplaas, en steeds bou die rasbenepenheid skynbaar momentum op, skryf Herman Toerien. Om te midde hiervan steeds ’n gebieg en jammerte op te eis, ook onder diegene wat ná 1994 gebore is, beduiwel gesindhede.
Nuuskommentaar: Ons wil nie (Afrikaans) hoor nie!
Terwyl rassespanning volgens vele aan die opbou is, word gepraat maar ons hoor mekaar nie, skryf Herman Toerien. Kan sake nog deur gesprekvoering beredder word, of is dit nodig dat daar weer grondig gekyk word na die grondslae waarop die 1994-versoeningspogings gebou is?
Nuuskommentaar: PUK, Steve, transformasie en Menseregtedag
In die aanloop tot môre se viering van Menseregtedag het die regering reeds groot gewag gemaak van die probleem van rassisme, maar natuurlik, as deel van sy blaamkultuur, sy eie aandeel daarin nie raakgesien nie, skryf Herman Toerien.
Nuuskommentaar: Wêreldorde in ’n jaar omgekeer met Krim-anneksasie
Rusland het die Krim-skiereiland ’n jaar gelede geannekseer. Is pres. Wladimir Poetin ʼn meester van die Koue Oorlog, of is sy verwysings na die moontlike gebruik van kernwapens iets wat ernstig opgeneem moet word?
Nuuskommentaar: Oorleef Zuma werklik mosie van wantroue en het Afrikaner belang daarby?
Het die Afrikaner werklik belang by die wantrouedebat in die parlement teen pres. Jacob Zuma? Terwyl die Afrikaner en sy saak min of meer in die debat verswyg word, is talle Afrikaneroë op Vrydag 20 Maart gerig wanneer die raad van die Noordwes-universiteit waarskynlik belangrike besluite gaan neem, terwyl dit ook die keerdatum is waarop prof. Jonathan Jansen en die UV op ʼn regskennisgewing vir ʼn eis van R1 miljoen moet reageer, skryf Herman Toerien.
Nuuskommentaar: Moet jy g*tkruip om te versoen?
Ons kan elkeen ʼn bydrae lewer dat ons kinders nie soos vreemdelinge in hul eie land voel nie, skryf Herman Toerien. Maar om nasionale versoening te bewerkstellig behels nie, in die woorde van Max du Preez, g*tkruipery of uitverkopery nie, maar dat almal die hand diep in eie boesem moet steek.
Nuuskommentaar: PUK die slagveld van Grondwet versus transformasie
Die stryd om die siel van die Pukke dra die kenmerke van die voorlaaste loopgraaf, terwyl die minister reeds gedreig het om die laaste loopgraaf, Akademia, te sluit. Besonder baie is dus op die spel oor hoe die PUK-sage gaan afloop, skryf Herman Toerien.
Nuuskommentaar: Spoel die mond uit (as jy mag)
Daar is nou wêreldwyd meer internetjoernaliste as “gewone” joernaliste in aanhouding, juis omdat dit moeiliker is om die kubermedium se nuusverspreiding te manipuleer, skryf Herman Toerien. Daarom word die joernalis self geteiken, maar die kuberruim bied steeds die geleentheid om mond uit te spoel oor sake wat dit verdien – op ’n fatsoenlike wyse.
Nuuskommentaar: ’n Vis vrot van sy kop af
Ná gister se onverkwiklike gebeure in en om die parlement sal dit nog ’n hele ruk duur voordat dié vreet-en-praathuis weer die nodige vertroue sal inboesem, skryf Herman Toerien. Intussen sal nog meer ontnugterde kiesers die veiligheidsnet van burgerlike instellings opsoek.
Nuuskommentaar: Fees terwyl Rome (Oudtshoorn) brand
Steve Hofmeyr mag nie op die Klein Karoo Nasionale Kunstefees (KKNK) optree nie, maar die KKNK se ringkoppe het nog nie ’n woord gesê oor die ANC-beheerde munisipale raad wat 14 maande laas ’n raadsvergadering gehou het, en nou deur Eskom gedreig word dat die dorp se krag afgesny gaan word nie. Moet kunstenaars, as die gewete van die volk, nie hul kunstenaarsvryheid gebruik om die werklike onregte in die gemeenskap aan te spreek nie, vra Herman Toerien.
Nuuskommentaar: Zuma op die rooi tapyt
Daar kan nie veel van die inhoudelike sy van pres. Jacob Zuma se antwoordsessie aan die parlement môre verwag word nie, maar dit neem ook nie die belangrikheid van die geleentheid weg nie. Hoe die president en die opposisiepartye dit gaan hanteer, gaan in groot mate bepaal of die publiek se vertroue in parlementêre regering gaan groei of taan, skryf Herman Toerien.
Nuuskommentaar: Madonsela, Malema, Mathunjwa en Mazibuko spioene?
Julius Malema se vraag of daar nog intelligensie in die land se intelligensiedienste is, som waarskynlik die jongste verwikkelinge in die land se “spookbevolking” die beste op, skryf Herman Toerien.