Die liggaam van ʼn 50-jarige man is Vrydag onder raaiselagtige omstandighede by die Fort Frederick-gedenkteken in Port Elizabeth in die Oos-Kaap gevind, berig The Herald.
Volgens die berig was daar ʼn kussing oor die slagoffer se kop vasgebind en was sy hande en voete vasgebind. Die slagoffer se identiteit is nie deur die polisie bekend gemaak nie aangesien al sy naasbestaandes nog nie in kennis gestel is nie. Die slagoffer is glo van Middelburg in die Oos-Kaap. Die polisie ondersoek ʼn saak van moord.
Bron: The Herald