Man kritiek ná aanval buite drankwinkel

Argieffoto: ER24

ʼn Man van Vereeniging in Gauteng is in ʼn kritieke toestand nadat hy Woensdag buite ʼn drankwinkel aangerand en met ʼn mes gesteek is.

Russel Meiring, ER24-woordvoerder, sê die voorval het in Eugene Maraisstraat gebeur.

Volgens Meiring is nooddienste deur omstanders ontbied. Hulle het die man net ná 13:00 onder ʼn boom in ʼn veld in die omgewing gevind.

“Paramedici het die man ondersoek en bevind dat hy verskeie steekwonde het. Hy was in ʼn kritieke toestand,” sê Meiring.

Die man is met lewensondersteunende middels behandel. Hy is daarna na die Baragwanath-hospitaal geneem vir dringende mediese sorg.

Die presiese omstandighede rakende die voorval is nie bekend nie. Die polisie het ʼn man ondervra.

4 Kommentare

Vee ·

Ek bly naby die bottel stoor en daar is nooit dronkies wat daar rond le nie. Mense gaan in, koop en ry weer.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.