Ontploffing by raffinadery in Sasolburg

Foto: ER24.

Elf mense is Maandagoggend beseer in ʼn ontploffing by die Natref-raffinadery by Sasolburg in die Vrystaat.

Sasol en Total bedryf die Natref-raffinadery. Russel Meiring, woordvoerder van ER24, het gesê paramedici het omstreeks 08:04 op die toneel opgedaag en die fabriek was reeds ontruim.

“Een man het matige beserings opgedoen en tien ander geringe beserings,” het Meiring gesê.

Die pasiënte is op die toneel behandel en daarna na ’n nabygeleë mediese instansie geneem vir verdere mediese behandeling.

Alex Anderson, woordvoerder van Sasol, het gesê die voorval het omstreeks 07:45 plaasgevind. “Natref se nooddienste is ontplooi en alle personeel is van die gebou ontruim. In dié stadium is geen ernstige beserings aangemeld nie.”

Volgens Anderson sal meer inligting bekend gemaak word namate dit beskikbaar word.

Die polisie was nie onmiddellik beskikbaar vir kommentaar nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

marous ·

Nou wil Me Koebaai nog bergplekke vir olie bou ook. Hoop sy ruik nou lont.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.