Oos-Kaapse polisieman in huis vermoor

Argieffoto

Die liggaam van ’n polisieman (43) is deur sy vervreemde vrou in sy huis in Welss Estate in Port Elizabeth aangetref.

Kapt. Andre Beetge, woordvoerder van die polisie, het gesê sers. Linda Mzuko se liggaam het verskeie skietwonde aan sy “nek en lyf” gehad. Sy vervreemde vrou, Neliswa Mzuko (37), wat as ’n 10111-operateur werksaam is, het sy liggaam Vrydagaand ontdek.

Die deur van die huis was glo oop. Die polisie vermoed hy is al Donderdagaand vermoor. Sy amptelike vuurwapen word vermis en volgens Beetge word daar vermoed dat die moordenaars dit gesteel het.

Mzuko was werksaam by die Bethelsdorp-polisiestasie.

Die polisie het enigiemand met inligting oor die voorval gevra om die Swartkops-speurders by 041 408 8303 te kontak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.