Solidariteit se aansoek oor Hlaudi dan aangehoor

Hlaudi Motsoeneng. Foto: Catherine Rice/ANA

Die vakbonde Solidariteit en Bemawu se aansoek, om Hlaudi Motsoeneng as respondent by te voeg in dié twee vakbonde se kostebevelsaak teen die SAUK, sal Dinsdag in die arbeidshof in Johannesburg aangehoor word.

Die arbeidshof het in 2016 beslis die sogenaamde SAUK 8 is onregmatig afgedank. Die hof het ook Solidariteit en Bemawu, wat elk vier van die SAUK-lede verteenwoordig het, se aansoeke om die joernaliste weer aan te stel, met koste toegestaan.

Volgens Anton van der Bijl, hoof van Solidariteit se Sentrum vir Billike Arbeidspraktyke, voer die vakbonde aan al het Motsoeneng nie self die opdrag uitgevoer nie, die de facto besluit om die joernaliste af te dank op sy instruksie uitgevoer is deur Simon Tebele, wat reeds as respondent ingesluit is.

Die vakbonde wil Motsoeneng as respondent insluit om hom persoonlik aanspreeklik te hou vir die twee vakbonde se regskoste, het Van der Bijl gesê.

Die Wes-Kaapse hooggeregshof het verlede maand die SAUK se aansoek om appèl teen ʼn vroeëre hofuitspraak, wat Motsoeneng se aanstelling as groepshoof van korporatiewe sake by die openbare uitsaaier onwettig verklaar het, van die hand gewys.

Die hof het vroeër bevind Motsoeneng is onbevoeg om enige posisie by die openbare uitsaaier te beklee totdat ʼn verdoemende verslag van die openbare beskermer tersyde gestel is of ʼn nuwe dissiplinêre verhoor hom van enige oortreding vrygespreek het.

Lees alle vorige berigte oor die SAUK op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Cherokee ·

Daar is mense soos by Praag en dies meer wat Solidariteit kritiseer sonder dat hulself ooit enige iets doen. Solidariteit doen groot dinge.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.