Talle dood, beseer toe skut losbrand op nedersetting

Argieffoto: Kent Williamson

Drie mense is dood, een in ʼn kritieke toestand en vyf ernstig beseer, ná ʼn onbekende man Donderdagmiddag op inwoners van ʼn nedersetting in Isipingo in KwaZulu-Natal losgebrand het.

Chris Botha, woordvoerder van Netcare 911, het gesê dit lyk volgens die toneel of die man eenvoudig net begin skiet het op die mense. Die voorval het 16:00 oorkant die Pilgrim-treinstasie plaasgevind.

“Toe die paramedici daar aankom en die gewondes ondersoek, het hulle gesien drie mense is dood, een in ʼn kritieke toestand en vyf ernstig beseer,” het Botha gesê.

Die pasiënte is na ʼn nabygeleë hospitaal gehaas vir verdere mediese behandeling.

Volgens Botha het die polisie die gebied gefynkam vir nog beseerdes. Die omstandighede rakende die voorval sal deel uitmaak van die polisie se ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Esmarie ·

Mense is gatvol en gaan begin onverantwoordlike dinge doen, want die wat verantwoordlik behoort te wees wil nie.

TDW ·

Dis nie die eerste keer nie, die 2de Junie is drie mense in ‘n huis in dieselfde nedersetting doodgeskiet. Hulle was blykbaar sekuriteitsmanne. Ek wonder wat gaan daar aan? Is dit bende geweld?

Dries ·

Ek stem saam met Esmarie, die mense is keelvol want die regering doen niks om te regeer. Oral neem mense reg in eie hande.

TDW ·

As die aanvallers wit was sou dit oral uitgebasuin word. Dit klink soos taxi geweld. Ek weet hoekom jy vra, ons almal hou asem op vir die eerste wit mens wat gaan gatvol raak en so iets aanvang, wat natuurlik sal lei tot ‘n oorlog, ons moet net aanhou bid dat so iets nooit gebeur nie. Mens moet nie kwaad met kwaad vergeld nie, al voel alles so onregverdig.

Vannermerwe ·

In Europa sou so daad as terreur beskou word. As die skut blank was sou dit as rassisme beskou word. In vreedsame lande sou dit as ‘n tragedie beskou word…. Maar in RSA is dit net nog ‘n dag en nog ‘n berig….

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.