Video en foto’s: Groot skade na ‘tornado’ in Belfast

Foto: Facebook

Foto: Facebook

Groot skade is in die Belfast-omgewing in Mpumalanga aangerig nadat ʼn hewige storm en vermoedelik ʼn tornado oor die gebied beweeg het.

ʼn Inwoner van Belfast het aan Maroela Media vertel dit was “pikdonker” buite en dit het kort daarna begin reën en hael. Hy was vinnig in ʼn winkel in die dorp en het eers die skade gesien toe hy weer buite gekom en huis toe gery het.

“Die skade is veral erg langs die Dullstroom-pad buite die dorp waar talle bome ontwortel is en huise se dakke afgewaai het. Twee afleweringsvoertuie het omgewaai. In die dorp self het baie bome ook omgewaai en daar is ligte skade aan huise en geboue aangerig.”

Maroela Media kon nie onmiddellik bevestiging kry dat dit wel ʼn tornado was wat oor die dorp beweeg het nie. ‘n Paar mense is na bewering vir geringe beserings behandel.

In Februarie vanjaar het ʼn tornado groot skade in Belfast aangerig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

15 Kommentare

Yssel ·

Kan iemand my asb besonderhede stuur om bydrae te maak vir seun wat met petrol gebrand het.Baie dankie

candice ·

Die Hero Burn Foundation help steeds om geld in te samel. Skakel 082 902 1133 of klik hier vir hul bankbesonderhede. Gebruik “Sean” as verwysing.

Kyk af ondertoe van Maroela se site en waar die ander stories van vandag was in die berig is die wat ek nou net gepost het hierbo.

Wendy ·

Hero burn foundation – nedbank branch : 198 765. Account no : 1 047 234 327. Ref : Sean

E.K. (vra net) ·

Moet jul ouens hierbo nie dalk navraag doen oor hulp vir die tornado slagoffers in Belfast – dis waaroor hierdie berig gaan? Ek sê nou nie jul moenie daardie seun help nie maar ek dink net jul kommentaar is op die verkeerde plek geplaas.

Jan ·

Ja, ek hoor daar het drie tuinstoele gebreek….. spot net. Ek sien jou punt in E.K.

Rina ·

Sjoewwweeee!!! Wat gaan aan daar. In Februarie 2016 was daar ook ‘n tornado daardeur! Sterkte aan almal in Belfast.

Japie my skapie ·

Dis asof elke tweede berig deesdae vir geld vra. Dit gaan werklik goed met Suid Afrikaners as hulle binne 3 ure bykans ‘n miljoen kan skenk. Ek wonder waar het ek van die wa afgeval, want dit gaan maar broekskeur hier by my en ek kan niks gee behalwe my gebede nie. Sterkte aan almal.

E.K. - ek sê net! ·

…maar my skapie ‘n opregte gebed is ook soos ‘n paar R1000.00! Moenie sleg voel nie, ek is seker dit word ook opreg waardeer, almal kan nie gee nie, maar almal kan OMgee!

Johan Venter ·

My Pa woon daar op Belfast, maar moet se hierdie het al die 25 of 26 ste Oktober 2016 gebeur. Maroela dis bietjie laat berig.

Landi Slatter ·

Dagsê Johan

Dankie vir die terugvoer. Sien gerus die datum bo die berig. Ons het die berig 26 Oktober geplaas. Dit is moontlik dat jy dit dalk net nou eers gesien het.

Groetnis
Landi nms Maroela Media

Johan Venter ·

My pa woon daar op Belfast. Maar hierdie het al op 25 0f 26 Oktober 2016 gebeur. Bietjie laat berig daaroor Maroela Media.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.