Twee dood, talle beseer in botsing

Foto: Dawie de Jong/ER24

Foto: Dawie de Jong/ER24

Twee mense is Saterdag dood en talle beseer nadat ʼn minibustaxi en ʼn motor op die N4 by die Schoemanskloof-afrit naby Nelspruit, Mpumalanga gebots het.

Volgens paramedici van ER24 het die minibustaxi omgeslaan en teen ʼn wal afgerol nadat dit reg van voor teen die motor gebots het. ʼn Tiener, wat uit die taxi geslinger is, en nog ʼn persoon wat onder die taxi se sleepwaentjie beland het, is op die toneel dood verklaar. Die bestuurder van die motor en sy passasier moes met meganiese toerusting uit die wrak verwyder word. Die bestuurder het ernstige kopbeserings opgedoen en is per helikopter na die Rob Ferreira-hospitaal in Nelspruit geneem. Volgens paramedici is minstens 11 mense in die ongeluk beseer.

Foto: Dawie de Jong/ER24

Foto: Dawie de Jong/ER24

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.