Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Kanadese inwoners geniet die vuurwerkvertoning tydens die viering van Montreal se 375ste bestaansjaar. Foto: Graham Hughes/The Canadian Press via AP
Inwoners van Prairie Lake Estates Chetek, ʼn woonbuurt met mobiele huise in Wisconsin in die VSA, dra hul besittings uit ná ʼn dodelike tornado die gebied getref het. Nog swaar weer is op pad. Foto: Marisa Wojcik/The Eau Claire Leader-Telegram via AP
ʼn Man kyk na ʼn kis wat van papier gemaak is tydens die “Asia Funeral and Cemetery Expo” in Hongkong. Begrafnisonderneming is blykbaar ʼn winsgewende besigheid in Asië. Foto: Vincent Yu, AP
ʼn Plaaslike verkoper van Phnom Penh, Kambodja, is op pad na die middestad om “Num Bagnchok” te verkoop – ʼn smaaklike soort noedels. Foto: Heng Sinith, AP
ʼn Brug van 11,8 km oor die see verbind die eiland Nan’ao met die vasteland Shantou City in China se Guangdong-provinsie. Foto: Xu Jinpeng, Xinhua
