Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Polisiebeamptes van Kirgistan staan buite die Chinese ambassade in Bishkek nadat ʼn selfmoordbomaanvaller teen die hek vasgejaag het. Die aanvaller is oorlede en verskeie werknemers van die ambassade is beseer toe die bom ontplof het. Foto: Vladimir Voronin/wire.africannewsagency.com
Tifoon Lionrock is sterk op pad na Ishinomaki, Miyagi, in die noorde van Japan. Hoë golwe en moontlike vloede bedreig dié gebied nadat daar nog herstel word van die tsunami in 2011. Die tifoon het reeds verkeer onderbreek en kragonderbrekings veroorsaak. Amptenare het inwoners gemaan om hul huise te ontruim. Foto: Jun Hirata/Kyodo News via AP/wire.africannewsagency.com
Anti-Indiese betogers van Kashmir bestook Indiese polisiebeamptes met klippe tydens ʼn protesoptog in Srinagar – ʼn Indies beheerde gebied. Verskeie anti-Indiese protesoptogte het in dié gebied uitgebreek nadat amptenare ʼn aandklokreël afgeskaf het as deel van ʼn 52-dae-sekuriteitveldtog. Foto: Dar Yasin/wire.africannewsagency.com
Die Kanadese premier, Justin Trudeau, en sy vrou, Sophie Gregoire, en hul dogter, Ella-Grace, kom aan in Beijing, China. Die premier se besoek aan China sluit ook ʼn gesprek met die Chinese president, Xi Jinping, en premier, Li Keqiang, in. Foto: Adrian Wyld/The Canadian Press via AP/wire.africannewsagency.com
ʼn Man in China se Jilin-provinsie ry op ʼn motorfiets in die reën. ʼn Waarskuwing vir stortreën in die noordooste van China is uitgereik nadat sterk windvlae en reën dié gebied getref het. Foto: Xinhua/Xu Chang (wyo)/ wire.africannewsagency.com
Yshokkiespelers van HC Sochi verdedig hul doellyn tydens ʼn wedstryd teen Medvescak Zagreb in Zagreb, Kroasië. Medvescak Zagreb het 3-2 gewen. Foto: Xinhua/Miso Lisanin)(wll)/wire.africannewsagency.com
ʼn Fabriekswerker skil ʼn kokosneut in Bangkok, Thailand. Foto: Xinhua/Rachen Sageamsak (zy)/wire.africannewsagency.com