Hierdie heerlike poeding is die perfekte trooskos om die hele gesin warm te maak hierdie winter.
Lewer 6 porsies
Bestanddele:
- 6 Granny Smith-appels, geskil, ontkern en in skyfies gesny
- 125 g bloubessies
- 2 e (30 ml) witsuiker
- ¾ k (160 g) bruinsuiker
- ½ k (70 g) koekmeel
- ½ k (60 g) hawermout
- 1 t (5 ml) fyn kaneel
- ⅓ k (85 g) Clover Mooi River-botter, in blokkies gesny
- ¼ k (15 g) vars witbroodkrummels
Metode:
Voorverhit die oond tot 180 ᵒC en smeer ʼn oondvaste 23 cm-tertbak.
- Rangskik die appelskyfies en bloubessies op die bodem van die tertbak en strooi die witsuiker oor.
- Meng die bruinsuiker, meel, hawermout en kaneel in ʼn mengbak.
- Vryf die botter met die vingerpunte by die meelmengsel tot dit soos growwe broodkrummels lyk.
- Roer die broodkrummels deur en strooi die mengsel oor die appels en bloubessies.
- Bak vir 25 tot 30 minute of tot die appels sag en die bolaag bros is.
- Sit met geklitste room voor.
Bron: Gunsteling Poedings
Uitgewer: Lapa