Soorte resepte:

[Resep] Sjokolade-en-koffiekolwyntjies

sjokolade-en-koffiekolwyntjies

Sjokolade-en-koffiekolwyntjies. Foto: Lekker en Vinnig

G’n mens sal ooit tevrede wees met net een kolwyntjie nie. Gelukkig lewer dié resep 24 daarvan…

Lewer 24 kolwyntjies

Bestanddele:

  • 250 g sagte botter
  • 375 ml strooisuiker
  • 4 ekstra groot eiers
  • 625 ml bruismeel
  • 7,5 ml bakpoeier
  • 75 ml kakao
  • knippie sout
  • 60 ml sterk aangemaakte koffie

Sjokoladeversiersel

  • 100 g botter
  • 500 g versiersuiker
  • 45 ml kakao
  • knippie bakpoeier
  • 15 ml melk
  • 2,5 ml vanieljegeursel
  • 12 Ferrero Rocher-sjokolade, gehalveer

Metode:

  1. Voorverhit oond tot 180 °C en voer kolwynpannetjies met kolwynpapiertjies.
  2. Room die botter en suiker tot liggeel. Klits dan die eiers een vir een by.
  3. Sif die meel, bakpoeier, kakao en sout saam.
  4. Meng die meelmengsel en koffie beurtelings by die bottermengsel tot ʼn beslag gevorm word.
  5. Skep die kolwynpapiertjies in die kolwynpannetjies driekwart vol beslag.
  6. Bak vir 12 minute of tot gaar en laat op ʼn rakkie afkoel.
  7. Sjokoladeversiersel: Klits die botter tot liggeel.
  8. Sif suiker, kakao en bakpoeier saam en voeg dan die droë bestanddele geleidelik by die botter terwyl dit geklits word.
  9. Klits die melk en vanieljegeursel by tot donserig. Versier die kolwyntjies met die versiersel en rond af met ʼn halwe sjokolade.

Bron: Lekker en Vinnig – Teetydlekkernye
Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Jan ·

Hoe sê die Namakwalanners? Hulle sê gee, maar hulle spreek dit ‘sjee’ uit. Nou sjee vir my ok tog enetjie, so by nabetagting maak dit sommer twee.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.