Foto: Lekker en Vinnig
(Uit: Vinnig en maklik – Resepte uit Vrouekeur 1, Marlo Carstens)
Lewer 12 koekies
Bestanddele:
- 375 ml gaar fyngedrukte aartappels
- 6 sprietuie, gekap
- 340 g (2 blikkies) tuna in soutwater, gedreineer en gevlok
- 410 g (1 blik) heelpitmielies, gedreineer
- 45 ml varsgekapte pietersielie
- 1 eier, geklits
- knippie knoffelsout
- swartpeper na smaak
- 125 ml koekmeel
- 1 eier, geklits
- 250 ml droë broodkrummels
- genoeg olie vir braai
Metode:
- Meng die aartappels, sprietuie, tuna, mielies, pietersielie, eier, sout en peper goed saam.
- Vorm 12 koekies en druk effens plat.
- Bedek die koekies met meel, doop in die eier en dan in die broodkrummels.
- Braai in warm olie tot gaar. Plaas op kombuispapier sodat die ekstra olie geabsorbeer word.
- Sit louwarm saam met suurlemoenskyfies en groenslaai voor.
Bron: Lekker en Vinnig: Blikkies en Pakkies
Uitgewer: Lapa
