Christian Bam en Therese Benade (Foto: Facebook)
Die gewilde kykNET-aanbieder en aktrise Therese Benade het Vrydag haar verlowing aangekondig.
Die aktrise (39) en die bekende Kaapse argitek Christian Bam (50) het vandeesweek by die Cape Grace-hotel by die V&A Waterfront in Kaapstad verloof geraak.
Dié voormalige Villa Rosa-aktrise is sedert Februarie vanjaar in ʼn verhouding met Bam. Die paartjie ken mekaar glo al agt jaar.
“Christian het my heeltemal onkant gevang met die vraag, maar ek het natuurlik dadelik die jawoord gegee,” het Therese gesê.
“Ek weet elke vrou sê dit altyd wanneer haar droomman haar vra om te trou, maar ek is regtig die gelukkigste vrou in die wêreld vandag.”
Therese is verder ook bekend as Kwêla-aanbieder en vir haar rol in die destyds gewilde Song vir Katryn.
Theresa, GRYP hierdie gelukl! Jy VERDIEN dit!
Baie geluk. Jy gaan ‘n verskriklike mooi bruid wees.
Lekker man, lekker!
Christian ,
Pas haar goed op sy is voorwaar besonders.
Vul die poel van welwillendheid gedurig oorvloediglik aan en neem self slegs n beskeie deel daarvan uit vir jouself sodat die poel al voller word elke dag.
Baie geluk! Hoop julle sal baie gelukkig wees!