Nuwe Kaleidoskoop-album ná vier jaar

Kaleidoskoop (Foto: Facebook)

Die akoestiese musiekgroep Kaleidoskoop het onlangs hul splinternuwe album bekend gestel.

Dié bekroonde musiekgroep, wat bestaan uit Jouba (stigterslid) en Anique Jordaan, vertel hulle is baie opgewonde dat aanhangers dié nuwe album, getiteld Gunsteling seisoen, moet hoor.

Die eerste enkelsnit op die album, “Wegbreek”, word al sedert November verlede jaar op radiostasies gespeel.

“Die afwagting in ons harte groei by die dag,” vertel hulle. “Ons hoop en glo, met elf nuwe oorspronklike liedjies uit ons albei se penne, asook twee Engelse verwerkings van bestaande liedjies, dat dit ná vier jaar die lang wag werd gaan wees.”

Die groep het al drie suksesvolle albums en ’n DVD uitgereik, onder meer Platsak (2010), wat in ’n strandhuis in Vleesbaai vervaardig is, Vars Uitgekerf, wat talle benoemings en toekennings ingepalm het en die groep se spesiale weergawe van die Cranberries-treffer “Zombie” bevat en Acoustic Covers wat bestaan uit Kaleidoskoop se verwerkings van bekende treffers.

Vir meer inligting oor die groep, besoek hul Facebook-blad.

Die groep se musiek is ook op iTunes beskikbaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Rikus ·

Was gister by die groep se albumbekendstelling. Werklik een van die beste liedjieskrywers en musiekante wat tans in die Suid-Afrikaanse musiekbedryf aktief is. Definitief die moeite werd om ‘n album aan te skaf en ‘n konstert by te woon. Glo die album sal nog vele toekennings oplewer!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.