’n Duitse vrou het waarskynlik die oudste brief nog in ’n bottel gevind.
Die vrou het op ’n eiland langs die Duitse kus ’n bottel opgetel wat 108 jaar gelede in Engeland in die see gegooi is. Boonop is sy nou op ’n sjieling ter beloning geregtig.
Die bottel is as deel van ’n eksperiment deur ’n marinebioloog, George Parker Bidder, met ’n poskaart daarin wat na hom teruggepos moes word, in 1906 by Plymouth in Engeland in die see gegooi.
Dit was deel van ’n groot getal soortgelyke bottels wat hy van 1904 tot 1906 in die see gegooi het om vas te stel hoe die seestrome werk. Om mense aan te moedig om die poskaart aan hom terug te pos, het hy ’n sjieling as beloning aangebied.
Op die Duitse vrou, Marianne Winkler, wag daar inderdaad ’n sjieling.
Bidder self leef lankal nie meer nie, maar die Marine Biological Association in Plymouth, waarvan hy lank die voorsitter was, het op eBay ’n sjieling opgespoor. Winkler, ’n afgetrede poskantoorwerker, gaan nou haar beloning kry.
Interessant om te sien die poskaart is ook in nederlands en duits, die bioloog het seker vermoed dit gaan in daardie rigting uitspoel.
Hallo….is my wiskunde besig om my te los of wat? Is dit nie dalk 110jaar gelede nie….of is die berig dalk al twee jaar oud…? En Xa……die bottel is in Duitsland gevind.
Tegnies is jy reg maar kyk so daarna: die bottel is dalk laat in Desember 1906 in die see gegooi en dalk vroeg in Jan 2016 gevind. Syferkundig 110 jaar maar fisies eintlik maar 108 jaar, of wat.?
Herman, ek het ‘n soortgelyke berig in die Volksblad gelees. Joune is baie beter geskryf.
…wat ‘n welkome, opwindende en plesierige artikel om te lees …in skerp kontras met die Zuptas/Nkandla/korrupsie-konsternasies waaraan ons so gewoond geraak het …aeish! ‘n Sjieling in 1904 behoort relatief in huidige waarde uit te betaal vir die ‘groot’ fonds …of hoe?
Inderdaad is die vonds meer as sjieling werd :-D
Sy het ses pennies te veel gekry want daar staan 12 stuiwers.