Die Afrikaanse Taalraad wens die wenners van die Kokertoekennings, wat die afgelope naweek in Pretoria oorhandig is, van harte geluk met dié prestasie. Daar was vanjaar ʼn groot aantal nominasies onder wie sulke sterk kandidate dat die keurkomitee behoorlik moes bontstaan met die beoordeling.
Die wenners in die verskillende Kokerkategorieë is soos volg:
- “Bemagtig”: Priester John Nicholson en sy gade vir hulle eiehandige oprigting van ʼn biblioteek,
geletterdheidswerk en voedingskema vir kinders in Lavenderhill.
- “Bevorder”: Magdaleen Kruger vir haar program Die Tale wat ons Praat.
- “Beskerm”: Kaptein John McNab van die Rehoboth Bastergemeente vir sy internasionale en
plaaslike bydrae om Afrikaans as moedertaal te beskerm.
- “Spesiale Koker”: Prof. Jacques van der Elst vir sy lewenslange bydrae tot Afrikaans en sy
onbaatsugtige rol in die stigting van die Taalraad.
Erepennings, gemik op jonger mense, is toegeken aan:
- Refentse Morake vir sy baanbrekerswerk in Afrikaanse sang en bydrae tot versoening en die herposisionering van Afrikaans.
- Gershwin Cupido vir sy sterk gemeenskapsbetrokkenheid, onder meer geletterdheidsbevordering
en sportontwikkeling in die Hessekwa-streek.
- Daniëlla van Heerden vir haar bydrae tot Afrikaans as nuusleser en verslaggewer by eNuus op
kykNET, asook as redakteur van Die Wapad, studentekoerant van die NWU se Potchefstroomkampus.
BEVONK, baie geluk almal vir jul bydraes tot Afrikaans!!