Soorte resepte:

Aarbei-room

Aarbeiroom Foto: Smul sonder sukkel

Aarbeiroom Foto: Smul sonder sukkel

Porsies: 8 – 10
Voorbereidingstyd: 15 minute
Verkoelingstyd: 1 uur

Bestanddele:
250 g aarbeie, gewas
1 x 397g-blik kondensmelk
80 ml suurlemoensap
1 x 250 g-houer roomkaas
5 ml vanieljegeursel
250 ml room, styfgeklits

Metode:
1. Halfveer 3 aarbeie en hou eenkant vir garnering
2. Plaas die res van die bestanddele, behalwe die room, in die bak van ‘n voedselverwerker en verwerk tot glad.
3. Vou die room by die aarbeimengsel in.
4. Skep die aarbeimengsel in nageregglasies en garneer met die halwe aarbeie.
5. Verkoel die nagereg ongeveer 1 uur voor opdiening.

Resep oorspronklik gepubliseer in Smul sonder sukkel
Prys: R73.21 (e-boek)*
* Prys onderhewig aan verandering

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Boeke, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae