Stefanie Dahle
Twaalf fantasieryke stories geskryf en geïllustreer deur die bekroonde Stefanie Dahle.
Alie Aarbeifee swaai haar towerstaffie van een spannende avontuur na die ander: Klaks Kakkerlak gaps Alie se rooi aarbeirokkie, Piepsie Spitsmuis kry ’n ellendige verkoue, Meneer Pif-Paf en Bibo Skoenlapper help Alie om ’n dief uit die aarbeituin te verjaag, en vele meer…
Stefanie Dahle se lieflike, delikate illustrasies is betowerend mooi en maak hierdie pragtige bundel vol kort voorleesstories perfek vir grootmense en kinders om saam te geniet. Hier wag ’n onvergeetlike fantasieskat!
Oor die outeur:
Stefanie Dahle is in 1981 in Schwerin gebore en reeds as kind het sy ure lank na prenteboeke gekyk of op kamermure geteken. Sy het illustrasiekuns bestudeer aan die Tegniese Universiteit Hamburg en skep deesdae self fantasieryke en wondermooie prenteboekwêrelde waarin mens jou ure lank kan verloor. Sedert 2007 werk sy eksklusief vir Arena Uitgewers.
Uitgewer: Human & Rousseau
Prys: R130-00*
*Prys onderhewig aan verandering