Julia Donaldson
Die heks en haar kat vlieg gelukkig deur die lug op haar besemstok. Maar dan kom raap die wind die heks se hoed, toe haar strik en toe haar towerstaf op. In die soektog na hierdie toor-noodsaaklikhede ontmoet die heks en haar kat talle hulpvaardige diere wat saam op haar besemstok wil ry.
Maar is daar plek vir soveel diere op haar stok? En sal die nuwe vriende haar kan red wanneer gevaar dreig? ’n Verhaal oor die vreugde van vriendskap en om met ander te deel.
Oor die outeur
Julia Donaldson is een van die top kinderboekskrywers wêreldwyd. Sy was die VK se “Children’s Laureate” 2011–2013 en het al meer as 100 boeke vir kinders geskryf. Haar boeke het al verskeie pryse gewen, onder andere die Red House Children’s Book Award en die Blue Peter Award. Sy woon in Glasgow, Skotland, saam met haar man, Malcolm.
Uitgewer: Protea Boekhuis
Prys: R150,00*
*Prys onderhewig aan verandering
Koop die boek by Graffiti Boeke
DMC, is dit omdat jy nie toegelaat was om Liewe Heksie te kyk toe jy klein was nie?
Julai Donaldson se boeke is puik en die illustrasies baie goed. Ons 3 jarige geniet haar boeke al vandat hy 18 maande is en keer op keer sal hy een van haar boeke kies om aan hom voorgelees te word.
Hierdie vrou is 1 van die beste kinderboek skrywers wat ek nog teëgekom het. Jy moet dit dalk net eers bietjie lees voor jy jou negatiewe opinie lig. Ek sal dit vir enige een aan beveel. En glo my jou kinders SAL dit geniet. Ek hoop net hulle vertaal meer van haar boeke in Afrikaans. Want dis regtig die moeite werd!