Carla van der Spuy
Wat laat vroue moor? En hoe voel dit om ’n sel met moordenaresse te deel? Carla van der Spuy besoek vier vrouetronke dwarsoor Suid-Afrika en klim in die koppe van vroue wat geweldsmisdade gepleeg het. Sy kuier by babas agter tralies, vier Kersfees in die tronk en gesels van aangesig tot aangesig met ’n kleptomaan, ’n prostituut, mesmoordenaresse en vroue wat gemoor het met huurmoordenaars. Vroue met bloed op hul hande. Wat het so verskriklik skeefgeloop in hul lewens? En is daar ’n mens agter die misdadiger?
“Hierdie vroue sit nie agter tralies omdat hulle Sondagskool gebunk het nie.”
– Sarie Peens van die Departement van Korrektiewe Dienste
Die boek is ook in Engels beskikbaar as:
Blood on her hands – women behind bars
Oor die outeur:
Carla van der Spuy is ’n bekroonde vryskutjoernalis en skrywer van drie niefiksie-boeke, insluitend Mens of monster (2012). Haar ongekompliseerde, openhartige gesprekke en haar gemaklike skryfstyl lei na indiepte, ware lewensverhale wat elkeen van haar lesers se hartsnare sal roer.
Uitgewer: Lapa
Prys: R184,99*
*Prys onderhewig aan verandering