Boek: ‘Die kind se naam is Anneke’ – Juliana Coetzer

Juliana Coetzer

In Bloedvreemd (2015) vertel Juliana Coetzer hoe haar dogter Anneke op sewejarige ouderdom ’n virus opgedoen het wat haar brein aangetas het, en sy geleidelik verstandelik begin agteruitgaan het. Die werklikheid het egter nie stilgestaan nie. Ses jaar ná die boek vra mense steeds wat van hulle geword het. Is Anneke oukei? Hoe maak ’n mens met die voortdurende verlies en agteruitgang?

Coetzer, ’n terapeut, vertel met ‘n skreiend eerlike stem oor die verdere reis met Anneke, wat nou al in haar vroeg dertigs is. Anneke kan al hoe minder praat, al hoe minder verstaan en steeds probeer sy haar onafhanklikheid behou. Sover Coetzer en haar eggenoot, Fanus, daartoe in staat is, probeer hulle om Anneke in ’n wêreld met erbarming en begrip te omhul. Maar elke dag (en nag) bring sy eie, eindelose uitdagings.

Die kind se naam is Anneke is aangrypende leesstof vir enigiemand wat al pyn of verlies ervaar het. Of jy ’n kind het of nie. En of jy Bloedvreemd gelees het al dan nie.

Prys: R275,00*
*Prys onderworpe aan verandering
Koop die boek by NB-Uitgewers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.