Boek: ‘Die knorrige kwêvoël’ kry vriende

Julia Donaldson

“Kwêvoël sit rustig in haar nes hoog daar bo,
met haar grys opwipkuif en haar wakker kraaloë.”

Die ander voëls wil graag met haar speel en gesels, maar Kwêvoël wil net uitgelos word. Toe sy egter in die moeilikheid beland, besef Kwêvoël dat ons almal ’n vriend of twee nodig het.

Oor die skrywer

Julia Donaldson het van die wêreld se mees geliefde prenteboeke geskryf, soos The Gruffalo (deur Philip de Vos in Afrikaans as Die goorgomgaai vertaal) en What the Ladybird Heard. Van 2011 tot 2013 was sy Brittanje se Children’s Laureate en het sy ’n OBE ontvang vir haar bydrae tot kinderliteratuur. Donaldson en haar man, Malcolm, verdeel hul tyd tussen Wes-Sussex en Edinburgh en reis graag. Dié skrywer was baie in haar noppies toe sy tydens ’n besoek aan Suid-Afrika die geroep van ’n kwêvoël gehoor het, maar sy is glad nie so gretig om ’n honger grypklouvoël teë te kom nie.

Oor die illustreerder

Catherine Rayner is ’n bekroonde skrywer en illustreerder. Sy het illustrasie aan die Edinburgh-kunsskool studeer, en woon steeds in dié stad saam met haar man en twee seuns. In 2008 is Rayner aangewys as een van BookTrust se tien beste nuwe illustreerders, en in 2009 het sy die gesogte CILIP Kate Greenaway-medalje gewen.

Oor die vertaler

Jaco Jacobs het kommunikasiekunde studeer en sy honneurs in Afrikaans en Nederlandse letterkunde aan die Universiteit van die Vrystaat behaal. Jacobs het al meer as 170 boeke vir kleuters tot jong volwassenes geskryf. Sy eerste boek, Troetelgedrog, het in 2001 verskyn.

Genre: Prenteboek
Ouderdom: Vier tot agt jaar
Uitgewer: Protea Boekhuis
Prys: R150,00*

*Prys onderworpe aan verandering
Koop die boek by Graffiti Boeke

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae