Boek: Dit kos guts om te bly glo

 

Dit-kos-guts-om-te-bly-glo-Stephan-Joubert

Dit kos guts om te bly glo deur Stephan Joubert. Foto: NB.co.za

Stephan Joubert

Stephan Joubert wys in hierdie heruitgawe van sy klassieke boek dat daar ook plek by God is vir mense wat twyfel en worstel.

Geloof in die drie-enige God kom nie aldag maklik nie. Dit bestaan nie maar net uit ‘n paar maklike stappe wat jy moet volg as kortpad na geluk nie. Geloof is dikwels ‘n opdraande stryd. Dit vra moed om in Christus te glo in ‘n wêreld wat nie elke dag sin maak nie – veral wanneer die lewe jou ‘n slag hard bygekom het. Dan moet jy die hart van die evangelie goed ken om by al die kitsoplossings verby te stap wat soos ‘n wortel voor jou neus gehou word.

Dié boek wil vir jou op die ander kant van die evangelie wys: op ‘n boodskap wat ook rekening hou met al die swaarkry, onsekerheid, vrees, skuldgevoelens en pyn.

Oor die outeur:
Stephan Joubert is ‘n teoloog, bekroonde skrywer, prediker en ‘n gesinsman. Hy is hoof van ekerk, ‘n virtuele geloofsgemeenskap wat mense regoor die wêreld deur digitale bediening bereik. Hy is ook ‘n buitengewone professor by verskeie universiteite. Hy skryf rubrieke in Beeld en JUIG!

Die Boodskap, ‘n eietydse vertaling van die Bybel saam met Jan van der Watt, is een van die mylpale in sy lewe. Stephan is ook die skrywer van baie ander boeke, onder meer Jesus – ‘n radikale sprong, wat in 2010 met die Andrew Murray-prys bekroon is.

Uitgewer: Lux Verbi

Prys: R120-00*

*Prys onderhewig aan verandering

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae