Dit kos guts om te bly glo deur Stephan Joubert. Foto: NB.co.za
Stephan Joubert
Stephan Joubert wys in hierdie heruitgawe van sy klassieke boek dat daar ook plek by God is vir mense wat twyfel en worstel.
Geloof in die drie-enige God kom nie aldag maklik nie. Dit bestaan nie maar net uit ‘n paar maklike stappe wat jy moet volg as kortpad na geluk nie. Geloof is dikwels ‘n opdraande stryd. Dit vra moed om in Christus te glo in ‘n wêreld wat nie elke dag sin maak nie – veral wanneer die lewe jou ‘n slag hard bygekom het. Dan moet jy die hart van die evangelie goed ken om by al die kitsoplossings verby te stap wat soos ‘n wortel voor jou neus gehou word.
Dié boek wil vir jou op die ander kant van die evangelie wys: op ‘n boodskap wat ook rekening hou met al die swaarkry, onsekerheid, vrees, skuldgevoelens en pyn.
Oor die skrywer
Joubert is ʼn teoloog, bekroonde skrywer, prediker en ʼn gesinsman. Hy is hoof van e–kerk en buitengewone professor aan verskeie universiteite. Joubert skryf saam met Jan van der Watt rubrieke in Beeld en JUIG! Die Boodskap. Hy het al meer as 55 boeke uitgegee en meer as 200 000 eksemplare is verkoop.
Die Boodskap, ‘n eietydse vertaling van die Bybel saam met Jan van der Watt, is een van die mylpale in sy lewe. Joubert is ook die skrywer van baie ander boeke, onder meer Jesus – ‘n radikale sprong, wat in 2010 met die Andrew Murray-prys bekroon is.
Uitgewer: Lux Verbi
Prys: R120-00*
*Prys onderhewig aan verandering
Koop die boek en e-boek by NB-Uitgewers
