Marie Spruyt
Wanneer sy skrywersverblyf in Killaloe, ʼn klein Ierse dorpie, aangebied word, gryp professor Mariaan die geleentheid aan. Só kan sy Suid-Afrika en die trauma van die studenteopstande agterlaat. Sy kan fokus op haar vertaling van die tesis oor Afrikamites en -legendes en vergeet van die geweld en haar kollega se dood.
Ierland, met sy magiese landskap, legendes en kleindorpse rustigheid, oorrompel vir Mariaan. Sy maak nuwe vriende en begin selfs ʼn tentatiewe verhouding met Declan. Wanneer sy egter uitvind dat hy bande met die Ierse Republikeinse Weermag het, besef sy dat geweld en gevaar oral aanwesig is.
Droomboom deur Marie Spruyt, is ʼn verhaal van vergifnis en aanvaarding, en die helende krag van vriendskap en liefde.
Oor die skrywer
Spruyt werk met woorde sedert sy ʼn potlood kon vashou. Na haar uittrede uit die akademiese wêreld het sy gaan reis en by elke rusplek ʼn storie raakgeloop. Stillewe is een so ʼn storie wat sy in Italië gaan haal het. Sy leef en werk waar haar hart ʼn vastrapplek kry.
Prys: R260,00*
*Prys onderworpe aan verandering
Koop die boek by Graffiti Boeke
