Andy Griffiths en Terry Denton
Andy en Terry se fantastiese boomhuis het nou ʼn verstommende 65 verdiepings, en een daarvan is Jill se eie troeteldiersalon waar sy al haar diere kan mooimaak. Opwindende byvoegings tot die boomhuis sluit in: ʼn kamer vol ontploffende oogballe, ʼn suigstokkiewinkel, ʼn dryfsandput, ʼn mierplaas, en ʼn kamer waar dit altyd jou verjaardag is (al is dit nie), ʼn tydmasjien … en Boom-TV: ʼn 24-uur‑nuussentrum wat jou op hoogte hou van al die boomhuisnuus, ander nuus en skinderstories.
Ons vriende is in groot moeilikheid, want Inspekteur Borrelplastiek kom onverwags ʼn besoek aflê om inspeksie te doen. En natuurlik het Andy en Terry hulle nie veel aan bouregulasies en permitte gesteur nie!
Die boomhuis met 65 vloere is deur Andy Griffiths en Terry Denton geskryf en deur Kobus Geldenhuys vertaal.
Oor die skrywer
Griffiths is een van Australië se bekendste kinderboekskrywers. Saam met sy vriend en illustreerder Denton het hulle talle suksesvolle reekse geskryf. Die veelbekroonde Boomhuis-reeks is in meer as 30 lande gepubliseer en het al talle kinderboekpryse gewen. Dit sluit onder meer die Koala-prys en Australiese boekbedryfprys vir jong lesers in.
Prys: R195,00*
*Prys onderworpe aan verandering
Koop die boek by Graffiti Boeke