Theresa van Baalen
Justin Fortuin het glad nie lus om die vakansie saam met sy ma by haar tannie Mary te kuier nie. Wat maak dit saak dat tannie Mary in ’n geheimsinnige ou kasteel by die see bly? Hy het ander vakansieplanne gehad.
Tannie Mary sorg egter vir opwinding toe sy vir Justin ’n pratende papegaai present gee. Hy vind gou uit dat Kaptein Kraakbeen nie sommer net ʼn papegaai is nie, en kort voor lank is hy pens en pootjies in ’n opwindende avontuur met baie raaisels en geheime.
Spook dit in Kasteel Boekanier? Sal Justin en sy vriend Liam die ou skeepskaptein se skat kan vind voor twee skelms dit doen?
Genre: Jeugfiksie
Ouderdom: 11 en ouer
Uitgewer: Lapa Uitgewers
Prys: R160,00*
*Prys onderworpe aan verandering
Koop die boek by Lapa Uitgewers
